MILO Crotoniensis

MILO Crotoniensis

Sybaritas vicit, illorum urbe destructâ. Homo tantae fortitudinis, ut in Olympico certamine bovem, retentô anhelitu, per stadium portaverit, quem ictu pugni interfecit, unôque die integrum devoravit. Malum tenenti digitis nemo poterat extorquere: dum constitisset, nemo vestigiô educere. Quum autem nimiâ nervorum fiduciâ arborem in parte media hiantem diducere vellet, brachiis hinc inde constrictis, et deficien te conatu retentus, lupis fuit praeda. Cicer. de Senect. c. 9. et 10. Plin. l. 7. c. 20. Ovid. Met. l. 15.

---------- Fletque Milon, senior, cum spectat inanes

Illos, qui fuerant solidorum mole tororum

Herculeis similes, fluidos pendere lacertos.

Vide Val. Max. l. 9. c. 12. ex. 17. Gell. l. 15. c. 16, Strab. l. 16. Athenaeum l. 10. Pausan. l. 6. et Lubinum in illud Iuvenalis. Sat. 10. v. 10.

-------- Viribus ille

Confisus periit admirandisque lacertis.